1994羅時豐 - 茫茫到深更Bâng-bâng Kàu Tshim-kinn(高音質)

Details

Description

作詞：謝玉娟
作曲：劉明瑞
編曲：陳進興

無意中搪著你
bô-ì-tiong tn̄g-tio̍h lí
雄雄毋敢來相認
hiông-hiông m̄-kánn lâi sio-jīn
往事茫茫渺渺的像流水
óng-sū bông-bông-biáu-biáu--ê tshiūnn liû-suí
.
難忘過去的情意
lân-bōng kuè-khì ê tsîng-ì
跤步煞愈踏愈緊
kha-pōo suah jú ta̍h jú kín
毋敢越頭叫你的名字
m̄-kánn ua̍t-thâu kiò lí ê miâ-jī
.
酸冷風吹過來
sng-líng hong tshue--kuè-lâi
癡情苦戀的無奈
tshi-tsîng khóo-luân ê bû-nāi
辜負一欉有情意的花蕊
koo-hū tsi̍t tsâng ū tsîng-ì ê hue-luí
.
無講一聲就離開
bô kóng--tsi̍t--siann tiō lī-khui
想來全然無滋味
siūnn--lâi tsuân-jiân bô tsu-bī
我無值得你這款的對待
guá bô ta̍t-tit lí tsit-khuán ê tuì-thāi
.
情夢茫茫到深更
tsîng-bāng bâng-bâng kàu tshim-kinn
醒來看無佇身邊
tshínn--lâi khuànn bô tī sin-pinn
窗外小雨也替你哭規暝
thang-guā sió-hōo iā thè lí khàu kui-mî
.
情夢茫茫到深更
tsîng-bāng bâng-bâng kàu tshim-kinn
醒來一切是過去
tshínn--lâi it-tshè sī kuè-khì
想看覓愛我有啥意義
siūnn khuànn-māi ài guá ū siánn ì-gī